Wala sg natabo nga engkwentro sa tunga sq NPA kg 79th IB sa Calatrava sadtong Hunyo 22

Cecil Estrella | Spokesperson | NPA-Northern Negros (Roselyn Pelle Command) | Negros Island Regional Operational Command (Apolinario Gatmaitan Command) | New People's Army
June 28, 2021
Share and help us bring this article to more readers.

Read in: English

Ang Roselyn Jean Pelle Command New People’s Army (RJPC-NPA) sa prenteng gerilya sa Norte nga bahin sg Negros, nagapahayag nga wala sg natabo nga engkwentro tunga sa 79th IB Philippine Army kag NPA sa Sityo Ecogan, Brgy. Minapasok banwa sg Calatrava sadtong ika-22 sang Hunyo, 2021.

Ang “naka-engkwentro” sa militar, isa ka notoryus nga kriminal nga grupo sa diin patay ang lider sini nga si Jhonrey “Kanoy” Pahayahay. Ang ini nga grupo notoryus nga nagapakunokuno nga NPA kag nagapangilkil. May mga kaso man ini nga pagpangawat sa mga produkto kag sapat sang mga mangunguma, pagpangholdap, pagpatay, kag gapanghalit sa pumuluyo sa nasambit nga lugar.

Kabutigan kag pagpanghambog naman sang 79th IB nga pag-angot sining notoryus nga grupo nga kuno mga katapo sang Special Partisan Unit o SPARU sg NPA sa North Negros. Makahuluya ang pahayag sa midya ni Lt. Col. J-jay T. Javines, bag-ong commanding officer sg 79th IB, sa hungod nga paghatag sang sala nga impormasyon sa midya agud may mapabugal gilayon nga “accomplishment.”

Wala sang kaangtanan si Pahayahay sa NPA, kag sa matuod ang mga kriminal nga grupo sa Calatrava ginhukman na sang rebolusyonaryong korte sang pumuluyo. Sang nagligad tuig, ginpatuman sang RJPC-NPA ang silot-kamatayon batok sa isa pa ka lider sini nga si Jhonrel “Katong” Pahayahay, utod ni Jhonrey. Nakarekober ang NPA sang 1 ka 9mm nga pistola kag mga bala.

Samtang nahibaloan naman sang pumuluyo nga maka-militar ang ining mga kriminal nga grupo nga gintukod sg mga bat-ulan nga politiko, despotiko nga agalong may duta kag ginapalipdan sang 79th IB agud bitbiton ang militaristang oryentasyon para manghalit sa komunidad sang mangunguma. Makaduluda nga may natabo nga “engkwentro” bangud klaro nga ang ginpatay kaugalingon nga aset sang militar.

Wala sg natabo nga engkwentro sa tunga sq NPA kg 79th IB sa Calatrava sadtong Hunyo 22