Usa ka sibilyan patay sa pagpamusil, balay sa mga biktima gisunog

Patay ang usa ka sibilyan nga si Joel Abobo dihang nahitabo ang pagpamusil sulod mismo sa panimalay ni Samuel Villamor 53y.o sa may Purok 9, Brgy. Calamba, Cabadbaran city, Agusan del norte niadtong nakalabay’ng adlaw Marso 14, 2022 pasado alas 6:00 sa kagabhion.

Atol sa ilang pagsalu-salo sa panihapon adunay usa ka tawo nga naka mask misulod og kalit sa ilang pinuy-anan dayon sa sa walay paglangan gipaarakan sa ubay-ubay’ng bala ang 8 ka mga biktima nga sila Samuel Villamor kinsa samdan sa may abaga ug panga nga bahin, Myrna Villamor 52y.o asawa ni Samson Villamor, Sarah Villamor 17y.o, Jackielyn Villamor 14y.o, Sam Villamor 10y.o kinsa buhing nakaluwas sa maong mangilngig nga panghitabo.

Samtang padayong gipamusil ang mga biktima mihapa sila ug mikamang palayo sa ilang panimalay apan sa duol pa lamang sila ila ng nasimhotan ang baho sa gasolina dayon sa ilang paglingi misilaab na ang ilang panimalay.

Nasayran nga matud sa pamahayag ni Lieutenant Colonel Renel Serrano ang Chief of police sa Cabadbaran city Police Office, personal nga bangi ang hinungdan sa krimen, dugang pa ni Serrano nga aduna na silay Person of interest sa kabangi niining pamilya kinsa adunay anak nga membro sa Armed Forces of the Philippines.

Pugsanong gipanumangil sa publiko ni Joshua “Jessie” Solomon sa National Intelligence Coordinating Agency-CARAGA (NICA) nga ang pagpamusil, pagpatay ug pagsunog sa sa balay binuhatan sa mga New Peoples Army.

Gipatin-aw usab ni Ka. Diwa Habagat ang Spokesperson sa NEW PEOPLES ARMY-Agusan del norte sa katawhan nga dili kadto binuhatan sa rebolusyonaryong kalihukan gumikan kay walay rekord o salaod sa kalihukan sila ang pamilyang biktima, mahinumdoman nga gipanghingusgan sa Cabadbaran-Philippine National Police nga sila ang mogunit sa kaso batok na sa kabangi niining pamilya.

Sa pagsulat ning balita gidugang ni Ka. Diwa Habagat nga angayang manubag ang mibuhat sa pagpamusil, pagpatay ug pagsunog, nagpahimangno usab si Ka. Diwa sa publiko nga kinahanglang makuting manubay sa mga panghitabo ang tanan buhatan aron nga mapalutaw ang kamatuoran.

Panapos niini nga ang kalihukan nagtumong usab sa kaangayan, hustisya ug kalinaw.

Usa ka sibilyan patay sa pagpamusil, balay sa mga biktima gisunog
n/a