Usa ka military target malampusong giambush sa NPA

Laing usa ka military target na usab sa Bagong Hukbong Bayan kun BHB, ang giambush sa mga New People’s Army (NPA) sakop sa probinsya Agusan del Norte sa may sementadong kalsada sa Sityo: Dagnasay, Brgy. Puting bato, Cabadbaran City, niadtong Marso 20, 2022 banda alas 6:37 sa kabuntagon kagahapong adlawa.

Usa ka sundalo ang napatay nga naila sa pangalang si Sgt. Rivera usa ka Vice cadreman sa Brgy. Putingbato detachment ang sakop kini sa 29th Infantry Battalion Philippine Army (29th-IBPA).

Samtang samdan usab si CAA Jhun Udon, lumulupyo sa nahisgutang baryo kinsa usa ka backride ni Sgt. Rivera sa usa ka single mortorsiklo niadtong tungora pasubida sa nahisgutang barangay.

Nakumpiska sa NPA-Agusan del norte ang usa kun (1)ka .45 kalibreng pistola, ug mga buhing bala, nakita usab mismo sa sulod sa built pack ni Sgt. Rivera ang usa ka set nga “pangtari” nga mao kini ang ibugkot sa tiil sa mga manok pansabong.
Nasayran nga ang mga yunit sa Armed Forces of the Philippines kun AFP ug kauban niini ang Philippine National Police kun PNP ang makadaghang nangdakop sa libuang sibilyan tungod sa pagtukis-tukis, apan luyo paman niini sila ra usab mismo ang nag-unang mibuhat niini nga paglapas sa balaod.

Ang pag-ambush kang Sgt. Rivera tubag usab kini sa pagpangayo og hustisya sa mga katawhang biktima sa militar sa ilang mga anomalyusong buhat, sama sa pinugos nga pagpasurrender sa mga sibilyan, pagpang-planted, pagpasaka ug tinumo-tumong mga kaso, pagpangdakop ug pagpangpatay sa AFP sa ngalan sa National Task Focrce- To End Local Communist Armed Conflict kun NTF-ELCAC ug nag-unang tumong alang sa ilang promosyon.

Usa ka military target malampusong giambush sa NPA
n/a