Usa ka CAFGU gisilotan-patay sa NPA-Surigao del Sur

Sandara Sidlakan | Spokesperson | NPA-Surigao del Sur | Northeast Mindanao Regional Operational Command | New People's Army
February 17, 2021
Share and help us bring this article to more readers.

 

SURIGAO DEL SUR – sa Sityo Hitaob, Barangay Awasian, syudad sa Tandag, bandang alas 12:00 sa udto, Pebrero 3, 2021 gisilotan-patay sa usa ka tim sa NPA-Surigao del Sur si Darwin Suazo, 32 anyos, usa ka CAFGU ubos sa pagdumala sa 36th IBPA.

Naila si Suazo isip aktibong kutay-paniktik sa AFP batok sa rebolusyonaryong kalihukan ug aktibong nagagiya sa mga operasyong militar sa mga pwersa sa AFP/PNP. Instrumento usab siya sa pugsanong pagpasurender sa mga inosenteng sibilyan sa ilang lugar isip mga membro kuno sa NPA. Nangulata pa siya og usa ka mag-uuma aron lamang ipasurender.

Pila na usab kahigayong giistorya ug giwarningan si Suazo sa NPA-SDS lambigit sa iyang mga kontra-rebolusyonaryong binuhatan apan padayon ra gihapon ang iyang paghimo og kadaot sa kalihukan ug sa katawhan.

Ania dinhi sa kabukiran ang tinubdan sa inyong panginabuhian. Sa ingon dili gyud magduha-duha ang Rebolusyonaryonglihukan nga pahamtangan kamo og tukmang silot subay sa kasong nabuhat ninyo batok sa katawhan ug sa rebolusyon.

Magsilbi kini isip usa ka pahinumdum ngadto sa mga tawo nga hugot nagpaggamit sa AFP/PNP. Giawhag kamo sa Rebolusyonaryong Kalihukan nga moundang sa inyong trabaho ug dili magpaggamit sa kaaway.

 

Usa ka CAFGU gisilotan-patay sa NPA-Surigao del Sur