Reyd nga walay buto malampusong nalunsad sa NPA-Surigao del Sur batok sa Ph Coast Guard; 7 ka armas nasakmit

Sandara Sidlakan | Spokesperson | NPA-Surigao del Sur | Northeast Mindanao Regional Operational Command | New People's Army
October 16, 2020
Share and help us bring this article to more readers.

Read in: English

Surigao del Sur– sa barangay Wakat, Barobo, Oktubre 12, bandang alas 6:15 sa hapon, malampusong nareyd nga walay buto sa NPA-SDS ang mga naabtang hubog niini nga Philippine Coast Guard (PCG) nga naka-dyuti sa maong lugar. Mokabat sa 7 ka armas ang nasakmit. Sa pikas bahin luwas nga nakawidro ang NPA-SDS taliwala sa naglut-od nga mga tsekpoynt sa nasyunal haywey.

Lakip sa mga naklining nga armas mao ang mga mosunod: usa ka 30 caliber machine gun, 4 ka M16, 2 ka .45 caliber pistol, 2 ka VHF, 5 ka vest, ubay-ubay nga mga buhing bala ug uban pang mga himan militar.

Nanukad ang mga operatib sa NPA-SDS, kapin 3 ka kilometros ang gilay-on gikan sa giistasyonan sa PCG. Sakay sa bao-bao o center car paspas nga nakaabot ang mga Pulang hukbo padulong sa maong target. Pila lang ka minuto, nakontrol na dayon sa NPA-SDS ang post sa PCG nga walay buto.

Adunay mga kasong pagpangilkil sa mga gagmay’ng mangingisda ang mga PCG.

Ginaobliga niini silang mohatag gyud og isda nga wala nay bayad. Nahimong SOP na kini nilang hatagon ngadto sa mga PCG kada pangisda. Imbis nga mao ra kini ang tinubdan sa ilang panginabuhian, gikibhangan pa gyud sa mga mangilkilay nga PCG. Laing kaso usab niini mao ang paglaparo sa usa ka hubog nga PCG ngadto sa usa ka bata.

Nalunsad kining maong taktikal nga opensiba sa NPA-SDS pinasikad sa hugot nga suporta sa katawhan. Ug bisan paman taliwa sa grabeng mga sustinidong operisyong saykolohikal, paniktik ug kombat sa AFP ug PNP sa mga kabaryohan ug kabanikanhan sa NEMR.

Ipasubsob ang mga taktikal nga opensiba!
Mabuhi ang New Peoples Army!
Sampa sa NPA!

Reyd nga walay buto malampusong nalunsad sa NPA-Surigao del Sur batok sa Ph Coast Guard; 7 ka armas nasakmit