Resigned AFP Captain Rivera, Sitoy ug Rivera, mga lehitimong target sa aksyong militar sa NPA-Surigao del Sur

,
Kini nga artikulo adunay hubad sa Pilipino

Malampusong na-reyd sa NPA-SDS ang balay sa resigned AFP Captain nga si Joven Rivera, ug laing duha nga sila Ronie Sitoy ug Jade Rivera kaniadtong Pebrero 10, 2022 bandang alas 7:00 sa buntag didto sa sityo Lubcon, Mabahin, Cortes, Surigao del Sur. Kini sila tulo adunay kalambigitan sa AFP ug PNP, maong mga lehitimong target sila sa aksyong militar sa New Peoples Army- Surigao del Sur.

Nasakmit sa NPA-SDS ang mga mosunod:

•tulo ka .45 kalibreng pistola
•usa ka ingram
•usa ka 357
•ubay-ubay nga mga buhing bala sa nagkalain-laing mga klase sa kalibreng armas
•mga magasin ug ban pang kagamitang militar.

 

Kalambigit niini gipahigayon sa NPA-SDS ang duha ka oras nga tsekpoint sa nasyunal hayway aron mapasiguro ang kaluwasan sa mga sibilyan tungod kay duol ang mga balay sa mga target sa dalan.

 

Dili tinuod ang alegasyon sa 901st brigade nga nakalapas ang NPA sa Internasyonal nga Balaod sa Katungod tawo pinaagi sa pagpahigayon niini og tsekpoynts. Wala nangapkap, wala nangharas ug wala nanghadlok ang NPA-SDS sa mga sibilyan. Nagpatin-aw lamang kini sa mga masa sa rason nganong gilunsad ang reyd? Nganong adunay rebolusyonaryong kalihukan? ug para kang kinsa ang rebolusyon?

Sa pikas bahin ginalunsad usab sa NPA ang mga tsekpoynts isip lakang aron mapasigurong nga ang mga kandidato mosubay sa palisiya sa gobyerno sa katawhan kalambigit sa pagpangampanya. Pagpaseguro nga dili sila magdala og mga goons, pulis ug militar isip eskort aron mangharas ug manghadlok sa katawhan.

Walay kamatuoran usab ang gitagawtaw sa AFP/PNP nga nangilkil, nangawat ug nangransak ang NPA-SDS sa balay ug tindahan sa mga target. Gipalit sa mga kaubanan ang mga baligya sa tindahan ni Joven Rivera. Dili tinuod nga ninglugsong ang NPA sa patag tungod kay wala na kini makaon. Sa padayong pagsalig ug pagsandig niini sa masa, kanunay ang paghatag niini og mga suportang materyal, pinansyal ug pagkaon.

Dili usab tinuod nga nag-usa ang NPA-Surigao del Sur ug NPA-Surigao del Norte aron magpakita og pwersa sa publiko tungod sa eleksyon aron hulgaon ug hadlokon ang mga kandidato. Sa maong panghitabo naulaw nga gipamahayag ni Major Francisco Garillo ang tigpamaba sa 4th ID nga 20 ra kuno ka Pulang manggugubat ang nagpahigayon og pag-atang.

Pinaagi sa hugot nga pagsuporta sa katawhan sa rebolusyonaryong kalihukan padayong nakalunsad ang NPA og mga taktikal nga opensiba aron pakyason ang mga atake sa AFP, PNP ug rehimeng Duterte. Nalipay kaayo ang katawhan sa kadaugang nalunsad sa NPA-SDS tungod kay nasayod sila sa ilang mahinungdanong papel sa gilunsad nga malungtarong gubat sa katawhan.

Mabuhi ang katawhang nakigbisog!

Mabuhi ang Bagong Hukbong Bayan!

Mabuhi ang Partido Komunista ng Pilipinas!

Resigned AFP Captain Rivera, Sitoy ug Rivera, mga lehitimong target sa aksyong militar sa NPA-Surigao del Sur
n/a