Pagpangwarta sa E-CLIP, nagapadayon sa Negros Oriental

Estrella Banagbanag | Spokesperson | NPA-Southeast Negros (Rachelle Mae Palang Command) | Negros Island Regional Operational Command (Apolinario Gatmaitan Command) | New People's Army
February 10, 2021
Share and help us bring this article to more readers.

Read in: English

Sa usa ka seremonya sa Dakbayan sa Dumaguete niadtong Pebrero 3, 2021 nga gipasiugdahan sa Negros Oriental Task Force to End Local Communist Armed Conflict (NOTF-ELCAC), ang 27 ka gialegar nga mga “kanhing milisya ng bayan nga misurender” nakadawat sa pinansyal nga hinabang nga moabot sa 20,000 ang matag usa; 15,000 niini gikan sa Department of Interior and Local Government (DILG) ug ang nahabiling 5,000 sa Department of Social Welfare and Development (DSWD).

Moabot sa 540,000 ang kinatibuk-ang pundo nga gipagawas. Sa 27 ka “misurender”, 18 niini ang gikan sa erya sa operasyon sa 11th IB (Southeast Negros) ug siyam gikan sa 94th IB (South Central Negros).

Apan ang lagda sa pagpatuman sa Enhanced Comprehensive Local Integration Program (E-CLIP) naglatid nga ang matag surrenderer modawat, sa labing minus, sa kantidad nga 65,000 alang sa hinanali ug hinabang sa panginabuhian. Buot pasabot, ang kwarta nga angayan untang madawat sa 27 ka “surrenderer” mokantidad sa 1,755,000.

Hinoon, ang dakong bahin niini nga moabot 1,215,000 naadto lang sa lawom nga bulsa sa mga komander sa 11th IB ug 94th IB ug ilang mga bata-bata.

Dugang pa, ang wala kaayo mahibaloan nga probisyon sa maong lagda sa E-CLIP naglatid nga ang kantidad nga 21,000 ihatag sa custodial unit sa militar alang sa pagkaon, temporaryong puy-anan ug ubang panginahanglan sa matag surrenderer. Tungod kay ang mga “surrenderer” kasagaran diretso ra nga mopauli sa ilang tagsa-tagsa ka panimalay human sa seremonya, nahimo kini nga probisyon nga walay gamit, ug usab usa ka sayon nga paagi sa pag-divert sa pundo.

Moabot 1,782,000 ang kinatibuk-ang pundo nga na-divert ug gibahin-bahin sa mga komander sa 11th IB ug 94th IB. Ang 94th IB ang nakakuha sa pinakadako nga bahin nga moabot sa 1,188,000, samtang nakapuga usab ang 94th IB sa 594,000. ###

Pagpangwarta sa E-CLIP, nagapadayon sa Negros Oriental