NPA-MCC nakakuha sang 4 ka armas sa lider-panatiko sa Binalbagan

Dionesio Magbuelas | Spokesperson | NPA-South Central Negros (Mt. Cansermon Command) | Negros Island Regional Operational Command (Apolinario Gatmaitan Command) | New People's Army
July 15, 2020
Share and help us bring this article to more readers.

Translation: English

Ang NPA-Mount Cansermon Command sang South Central Negros nga Larangan Gerilya nakakuha sang 4 ka armas-luthang (isa ka M16, shotgun, .45 kag .38 nga kalibre sang pistola) kay alyas ‘Tikboy’ Bongaita kag sa iya pamilya sa Sitio Binadlan, Barangay Bi-ao, Binalbagan, Negros Occidental, sadtong Hulyo 14, 2020 mga alas 4:30 sang kaagahon. Nakakuha man sila sang mga bala kag handset sa panimalay.

Si ‘Tikboy’ nakakomiter sang madamo nga sala sa pumuluyo sa lugar halin sa pagtukod niya sa panatiko nga grupo nga ‘Greenan’ halin sadtong dekada 90 tubtob subong. Pipila diri amo ang pagpamahog, pagpangawat, pagpang-agaw sang kadutaan, pilit nga pagpabakwit, pagpamugos kag pagpamatay. Iya ginapwersa ang mga mangunguma nga mag-upod sa iya grupo kag magkooperar kay kung indi, iya patyon.

Samtang ginpana-ugan sang silot-kamtayon sang NPA-MCC si Randy Rosiana, isa ka military intelligence asset sang Sitio Baclayan, Barangay Mahalang, Himamaylan City. Matapos ang pagpamatbat sang rebolusyonaryong korte sang pumuluyo, ginpatuman ang pagsilot sa iya sa Sitio Asaran, Barangay Buenavista sa amo man nga Barangay. Si Rosiana responsable sa iligal nga pag-aresto paagi sa patu-patu nga kaso sa Buenavista 7 sadtong 2019, nga naga-antus pa sa sulod tubtob subong. Aktibo man ini nga nagapangumbinsi sa mga inosenteng sibilyan sa pagpasurender para makakuha sang komisyon sa E-CLIP nga programa sang AFP.
Ginapaandaman sang NPA ang may kaangay kay Rosiana nga masupog nga tagpaniktik militar kag Bongaita nga nagkomiter sang mga brutal nga krimen sa pumuluyo. Pursigido ang NPA, pinaagi sa desisyon sang korte sang pumuluyo, nga magpapanaog sang rebolusyonaryo nga hustisya kag magsilot sa mga pinakalala nga pasista kag ila mga agalon-komprador nga amo. Samtang temprano pa, sekreto nga magsurender sa pinakalapit nga yunit sang NPA sa inyo lugar para mapamag-an ang inyo mga kaso sa rebolusyonaryong korte.

NPA-MCC nakakuha sang 4 ka armas sa lider-panatiko sa Binalbagan