Lima ka inosenteng sibilyan, gidakop sa PNP ug 36th IB, giplanteran og mga himang eksplosibo

Sandara Sidlakan | Spokesperson | NPA-Surigao del Sur | Northeast Mindanao Regional Operational Command | New People's Army
October 16, 2020
Share and help us bring this article to more readers.

Surigao del Sur – sa sityo Hubason, San Vicente sakop sa lungsod sa Carmen, Oktubre 14, sa may 1:00 sa hapon, gidakop sa PNP ug 36th IBPA ang lima ka sibilyan nga pabalik na unta sa ilang gitrabahuan nga konstraksyon sayt sa Hubason. Giplanteran kini sila og mga himang eksplosibo, flag sa NPA ug wayr. Gikan nagtibo og pangumpra ang mga biktima tungod sa grabe ka higpit kaayo nga lockdown.

Ang lima ka sibilyan, mga nagtrabaho sa ABI, usa ka kompanya sa konstraksyon nga naghimo og tulay sa maong sityo.

Matod sa nakasaksi, giharang sa PNP ug 36th IBPA ang gisakyan nga elf sa lima ka sibilyan didto sa Zone 3, Lanuza, SDS. Gidala gilayon sila didto sa maong munisipyo dayon gipiktyuran ug gibidyuhan.

Sa kasamtangan, gibuhian ang mga biktima apan padayon silang nag-atubang sa ginama-gamang kasong kriminal nga gipasaka sa ilaha sa AFP ug PNP.

Ang mga pinatakang pagpangdakop ug pagpangplanter sa PNP ug AFP ngadto sa mga inosenting sibilyan, hinungog nga lakang nila diha sa damgong paludhon ang rebolusyonaryong kalihukan. Ang mga walay ikasukol nga sibilyan na hinuon ang ginapuntirya sa ilang kabangis. Dakong paglapas kini sa AFP ug PNP sa katungod-tawo sa katawhan.

Ikundena ang pinatakang pagpangdakop ug pagpangplanted og mga inosenting sibilyan sa AFP ug PNP!

Lima ka inosenteng sibilyan, gidakop sa PNP ug 36th IB, giplanteran og mga himang eksplosibo