Katapo sang CAFGU sa Guihulngan, Ginsilotan

JB Regalado | Spokesperson | NPA-Central Negros (Leonardo Panaligan Command) | Negros Island Regional Operational Command (Apolinario Gatmaitan Command) | New People's Army
September 24, 2018
Share and help us bring this article to more readers.

Si Rodulfo Yucaran sang sityo Maculos, Brgy. Bulado, Guihulngan isa ka aktibo nga katapo sang CAFGU nga nadestino sa Brgy. Binubuhan 12th IBPA CAFGU Detachment sang nasambit nga siyudad.

Legitimate military target sang NPA si Yucaran bangud masupog ini nga nagapakigbahin sa ginalunsar nga internal security operations sang AFP idalum sa mapintas nga Oplan Kapayapaan sang US-Duterte nga rehimen.

Masupog man ini nga nagapasakop sa counter-insurgency operations sang militar labi na sa pagpanilag sa hulag sang NPA kag bug-os nga rebolusyonaryong masa sa lugar.

Nagapangatubang man si Yucaran sang “Conspiracy” nga kaso sa pagmasaker-patay sa mag-asawa nga sanday Brgy. Kagawad Enric Calago kag BHW Rosalie Calago sang sityo Bantayan, Brgy. Tacpao kag pagsunog sang puluy-an sini sadtong Mayo 24, 2015.

Rason nga ginpatuman ang silot kamatayon kay CAFGU Rodulfo Yucaran sadtong September 23, 2018 sang gab-i sa sityo Bantayan, Brgy Tacpao, Guihulngan.

Samtang padayon nagapagamit kag ginagamit sang AFP ang mga katapo sang CAFGU dira sa mga counter-insurgency kag pagpangharas sa mga pumuluyo sa kaumahan, nagapabilin ang status sang mga CAFGU nga legitimate military target sang rebolusyonaryong kahublagan. Kag determinado man ang NPA sa pagpatuman sang silot sa inyo sandig sa kabug-aton sang kaso nga inyo nakomiter.

Ginapanawagan sang LPC-NPA sa tanan nga mga katapo sang CAFGU nga magsurender na sa NPA kag klaruhon ang inyo mga kaso.

Katapo sang CAFGU sa Guihulngan, Ginsilotan