Kanhing NPA- nisurender, gipusil patay sa kapulisan sa Surigao City

NPA-Surigao del Norte | Northeast Mindanao Regional Operational Command | New People's Army
February 04, 2021
Share and help us bring this article to more readers.

Gipusil patay si Noel Degamon Jr. niadtong Enero 29, 2021 sa may ala 6:30 sa hapon sa Brgy. Luna, Surigao City.

Kanhing NPA kining si Degamon Jr niadtong 2014 sa NPA- Surigao del Norte. Human kini nipahulay, nanimuyo sa Brgy. San Roque, Surigao City. Tungod sa subsob nga Community Saywar Program (CSP) ilalom sa NTF-ELCAC ug paspas nga mga pinugos nga pagpasurender, nisurrender si Degamon niadtong Octobre 27, 2020 aron maclear sab ang iyang pangalan.

Hugot nga gipunting sa NPA-Surigao del Norte ang kapulisan sa Surigao City sa pagpangulo ni Christian Rafols II nga sila mismo ang nagpatay kay Degamon ug ipasangil dayon sa New Peoples Army.

Pipila na ka mga kanhing NPA ang napugos ug napresyur nga mosurender. Ang pipila magamit gyud nga asset, guide sa mga operisyon ug kung wala nay madawdaw ang kapulisan ug militar sa AFP basta-basta nila kining dakpon ug pasang-atan ug tinumo-tumong kaso sama ni Christian Parajes Romero o kaha patyon sama kang Degamon.

Kanhing NPA- nisurender, gipusil patay sa kapulisan sa Surigao City