Epektibong naalkontrahan sa BHB ang pagsulayng atake sa 34th IB PA

,

Epektibong naalkontrahan sa Bagong Hukbong Bayan (BHB) ang duha ka hugna nga panag-enkwentro tali sa NPA ug 34th IB, PA niadtong Mayo 20, 2022 alas 10:37 hangtod alas 10:59 sa buntag ug lain pa sa alas 12:43 hangtod ala 1:05 sa hapon. Ang maong insidente nahitabo sa bukirong bahin sa Maguing, Lanao del Sur. Wala masubay ang kaswalti sa kasundalohan. Sa pikas bahin, luwas nga nakawidro ang mga pulang manggugubat.

Mayo 25, 2022 alas 10 sa buntag kapin kun kulang, malampusong nabirahan sa usa ka iskwad sa BHB ang usa ka kulom sa 34TH IB nga padayong nagasugok sa lasang ug miresulta kini sa dili muobos 5 ka kaswalti sa AFP, duha (2) niini ang seguradong patay sulod sa 10 ka minutong panagsangka.

Gipahigayon gilayon sa AFP ang duha ka hugna nga pagpamomba sa bukirong bahin sa lungsod. Mayo 21, 2022 sugod alas 2 hangtod alas 3:20 sa hapon, mikabat sa 21 ka bala sa 105mm ang ilang gipabuto. Mayo 28, 2022 alas 12:22 hangtod ala 1:41 sa hapon, pito (7) ka bala sa kanyon ang ila na usab nga gipabuto. Bisan paman, luwas ang tibuok pwersa sa BHB tungod layo ra kini sa gitarget nga Artillery Shelling sa AFP.

Ang eryang napailalom sa operasyong kombat sa AFP usa ka bahandianon nga lasang. Dinhi natukod ang pipila ka gagmay’ng bansu sa mga lomulopyo duol sa Darul Jirah Camp, 103rd Base Command sa MILF. Gawasnong nanginabuhi ang katawhang moro sa lungsod sa Maguing ug mga kasikbit pinaagi sa pagpang-tsensu, birada sa kahoy, pagbansu ug pagkargada. Sanglit abunda sa troso ang maong lasang, kanunay usab nabutang sa hulga ang mga trabahante. Pasubli-subling mahunong ang ilang pagtrabaho tungod sa mga abiso nga mo-ope ang mga sundalo. Apan, sugod pa lang nag-opereyt ang maong bansu, daan na silang ginalambigit sa ISIS ug NPA.

Dugang pa, pila ka beses nang ginadakop ilang kahoy tungod Iligal kuno. Iligal man ang panginabuhian sa katawhang moro apan wala man sa’y ligal ug desenteng panginabuhian nga nahatag ang gobyerno, taliwala nagbarug na ang BARMM. Dili tinuod nga gihatag ang katungod sa katawhang Bangsamoro diha sa pagpalambo sa ilang teritoryo ug sosyo-ekonomiko subay sa probisyon sa BARMM, tungod gatusan ka pamilya karon ang nagutman sa pagkahuraw sa gilunsad nga operasyon ug pagpamomba sa kasundaluhan.

Giawhag ang katawhang moro nga mubarug ug padayon kitang makigbisog. Mas mitataw ang kapanginahanglan sa armadong pagsukol. Ang katungod sa kaugalingong paghukom angay antagonistikong pakigbisigan!

Pagsaludo sa atong mga pulang kumander ug manggugubat sa malampusong sangka!

Mabuhi ang katawhang nakigbisog!

Epektibong naalkontrahan sa BHB ang pagsulayng atake sa 34th IB PA
n/a