Tubag sa pasangil ni Rico Maca batok sa NPA Dili NPA ang nagpusil sa Tina Tribal Chieftain

,

Walay kamatuoran ang gipagarpar ni Rico Maca- IPMR sa Surigao Del Sur ug ni JC Solomon sa NICA-Caraga kalambigit sa nahitabong insidente sa pagpamusil didto sa Purok 1, Brgy. Tina, San Miguel, Surigao Del Sur kaniadtong Enero 29, 2022 sa may alas 10:00 sa kagabhion. Ang mga biktima mao sila Tribal Chieftain Adonis M. Alimboyong ug Julieta Dumagyo nga gipusil sa wala nailang suspek.

Gitin-aw sa NPA-SDS nga ang mga biktima walay kaso ug limpyo ang rekord niini sa katawhan ug rebolusyonaryong kalihukan busa walay rason nga kini sila pahamtangan og makatarunganong silot sa NPA.

Sumala sa initial nga imbestigasyon, nakig-inom si Adonis M. Alimboyong, 48 anyos, minyo usa ka mag-uuma, furniture maker ug tribal leader kuyog sa iyang mga kauban didto sa balay ni Julieta Dumagyo, 47 anyos, minyo, ug parehong residente sa nahisgutang lugar. Kalit niduol gikan sa ngitngit nga bahin sa lugar ang wala nailhang tawo nga nakasuot og facemask ug kalo; kalit lamang gipusil ang biktima sa wala nga bahin sa iyang hawak lapos sa tiyan ug nilapos usab sa wala nga bahin sa paa ni Julieta Dumagyo. Human sa panghitabo, ang supek kalit nipalayo padulong sa wala nahibal-ang direksyon samtang ang biktima gidala gilayon kini sa San Miguel Community Hospital. Sa kasamtangan, anaa na sa ICU sa Adella Sierra Ty Memorial Hospital sa Tandag City ang Tribal Chieftain.

Kung buot, huna-hunaon 150 meters lang ang gikahitabuan gikan sa pinaka duol nga police station. Angay nga ikonsidera nga adunay mga bangi sa han-ay sa Lumad ilabina nga duol na ang eleksyon ug daghan pang ubang anggulo sa insidente nga angay tan-awon adeser mohimo og konklusyon.

Hugot gikondena sa NPA-SDS ang walay ulaw nga si Rico Maca ug si JC Solomon sa ilang pasumangil batok sa NPA. Kanunay na kini nilang ginahimo aron tabunan ang nagpasiugda sa maong insidente ug iliwag ang pokus sa imbistigasyon.

Walay lain tumong nila kundili dauton ang ngalan sa NPA sa walay konkretong basehanan.

Dili NPA ang nagpusil sa Tina Tribal Chieftain
n/a