Aspiring Mayor Basalan, malampusong nadis-armahan sa NPA-SDS

Malampusong nadis-armahan sa NPA-Surigao del Sur si Rolmar “Mamal” Basalan, nidagan pagkamayor ug kasamtangang Bise-Mayor sa San Miguel, kaniadtong Abril 28, 2022 didto sa iyang panimalay sa Purok 1 Siagao, San Miguel, Surigao del Sur. Nakumpiska ang usa ka boostmaster baby M16 riple, 3 ka .45 pistola, 7 ka handheld radio, mga buhing bala ug mga magasin.

Mokabat sa 40 minutos ang pagsuhid sa mga Pulang manggugubat sa balay ni Mamal. Walay buto nga nahitabo sa maong pagdis-arma. Ang mga armadong goons ni Mamal nakalakaw na pila lang ka minuto adiser nakaabot ang mga kauban sa iyang balay maong dali ra kini nakontrol sa NPA-SDS.

Luwas nga nakawidro ang mga Pulang manggugubat sakay sa usa ka chariot ug tulo ka pick-up nga ang usa niini gipanag-iyahan mismo ni Mamal.

Makatarunganon lamang ang pagdis-arma kang Mamal tungod kay nakalapas kini sa palisiya sa rebolusyonaryong kalihukan lambigit sa eleksyon. Aduna kini siyay daghang mga armadong goons nga ang pipila niini ka mga myembro mga Bagulan (usa ka panatikong armadong grupong nagtuong dili madutlan sa bisan unsang hinagiban) nga gigamit aron hulgaon ug hadlukon ang mga tawo aron mobotar sa iyaha. Aduna usab kahimtang nga nagpabuto-buto kini sa iyang bag-ong nag-abot nga mga armas niini lamang bulan sa Abril. Ug anaa usab kini siya nakapa-ilalom sa layn-up nilang BBM ug Sara Duterte, mga adunay dagkong utang nga dugo sa katawhang Pilipino.

Magsilbi kining pahimangno ngadto sa mga ningdagan pagkapulitiko nga dili gyud magduha-duha ang NPA sa pagpahamtang og silot kun naghatod kamo og kadaot ngadto sa katawhan aron lamang makalingkod sa gahum. Maong alang sa mga magpapili karong eleksyong 2022, kinahanglan mosubay kamo sa palisiya sa rebolusyornayong kalihukan lambigit sa eleksyon aron dili kamo mamahimong target sa mga aksyong militar niini.

Aspiring Mayor Basalan, malampusong nadis-armahan sa NPA-SDS
n/a