1st ug 2nd Lieutenant, patay atol sa FMO sa AFP

North Central Mindanao Regional Operational Command | Malem Mabini | Spokesperson | New People's Army
September 02, 2020

Translation/s: English

Patay ang duha ka dagkong opisyal sa Armed Forces of the Philippines sa dihang gi-atake sa mga operatiba sa Bagong Hukbong Bayan ang nag-operasyong kasundaluhan nga nagpahigayon sa ilang focused military operation(FMO). Dili moubos sa 10 ka sundalo ang patay samtang ubay-ubay usab ang samaron sa operasyong militar sa AFP sukad Hulyo 28 hangtud sa kasamtangan.

Agosto 2, adunay nahitabong engkwentro tali sa BHB ug sa tropa sa 26th IB sa Sityo Traktor, Brgy. Mahagsay, Binicalan, San Luis, Agusan del Sur. Usa ang patay sa AFP.

Agosto 7, gi-atake sa BHB ang nag-operasyon nga tropa sa AFP sa Sityo Kalasungay, Brgy. San Vicente, Esperanza, Agusan del Sur.

Agosto 8, adunay nahitabong engkwentro tali sa BHB ug AFP sa Sitio Ulayanon, Brgy. Calabugao, Impasug-ong sa dihang nakita sa mga operatiba sa BHB ang nag-operasyon nga kaaway.

Agosto 14, aduna usay engkwentro tali sa BHB ug tropa sa 58th IB sa Sityo Mangilit, Brgy. Bal-ason, Gingoog City. Nakumpirmang patay ang usa ka 2nd Lieutenant samtang aduna usay laing samaron. Maisugon usab nga gihalad ni Kaubang Cyrill, usa ka Pulang manggugubat, ang iyang kinabuhi atol sa maong sangka.

Agosto 18, gi-atake sa BHB ang pwersa sa kaaway sa Sityo Traktor. Usa ang patay sa sundalo.

Agosto 19, sa may ala-una sa hapon, gi-atake sa tropa sa BHB ang nag-operasyon nga sundalo sa Sityo Talabaw, Brgy. Binicalan. Pagka-alas-4 sa hapon, subling giatake sa BHB ang parehong yunit sa AFP. Nakumpirma nga duha ang patay ug dili momenos sa usa ang samaron sa han-ay sa kasundaluhan. Paghuman sa maong sangka, nagbuhi og upat ka bala sa rocket ug .50mm ang kaaway.

Agosto 26, sa buntag, giatake sa BHB ang usa ka kumpanya nga kaaway nga nag-operasyon sa Sitio Kalasungay. Pagka-hapon, laing hugna na usab sa aksyong militar ang gilunsad sa BHB batok sa kasundaluhan. Nakumpirma nga patay si 1st Lt. Ayun-ayon samtang dili moubos sa duha ang samaron.