Druglords sa Guihulngan kag Bug-os nga Negros Oriental Protektado sang PNP kag AFP

Regions
July 01, 2018
Share and help us bring this article to more readers.

Wala untat ang paglusot sang Shabu sa Guihulngan kag bug-os nga Negros Oriental bangud sang paghatag proteksyon sang mga spoiled brats nga PNP kag AFP sa mga druglords, sa pihak sang tudo-kampanya “Oplan Tokhang” sang US-Duterte nga rehimen.

Sandig sa datus nga nakuha sang NPA gikan sa mga dokumento kag Cellphones sang kapulisan sa Guihulngan sadtong Hulyo 21, 2017 nga ambus sang NPA sa nasambit nga PNP unit, halos indi maisip nga “drug users kag pushers” ang na-arestar kag kuno nagsurender sa “Oplan Tokhang”. Apang matapos sang ambus, halin sadtong Hulyo 23, 2017 tubtob Hunyo 2018, naglab-ot na sa 32 ka mga ultimo nga pumuluyo ang nangin biktima sang extra-judicial killings sa Guihulngan. Napulo (10) sa mga ginpatay, mga aktibista kag progresibong pwersa. Samtang 22 naman nga mga inosenteng sibilyan ang ginpamatay nga may “drug related” nga kaso. Ini tanan mga “unsolved cases” samtang wala naman bisan isa sa mga druglords sa Guihulngan ang nadakpan ukon ginpasakaan sang kaso sang US-Duterte nga rehimen.

Ang 22 ka mga indibidwal nga nagkalamatay, biktima lang sang kumpetensyahanay sang 2 ka druglords sa pagpalusot kag pagbaligya sang druga sa Guihulngan kag Negros Oriental. Banggi-anay sang mga sindikato sa druga nga halin sa Cebu City kag San Carlos, Negros Occidental.
Indi lipod sa pumuluyo sang Guihulngan kag sa NPA, duha (2) lang ka mga dalagko nga druglords ang nagadominar sang illegal nga druga sa lugar. Isa na si Mike “Dongkoy” Jakosalem sa Brgy. Humay-humay kag isa pa sa mga Local Executives.

Si Mike Jakosalem isa sa mga Confidential Agents (CA-0421) sang Regional Intelligence Division (RID-PNP-PRO 7) idalum kay PSSUPT. Jonathan Cabal nga nakabase sa Camp Sergio Osmeña Sr. Osmeña Blvd. Cebu City. Katapo man siya sang Active Civilian Taskforce (ACTAF) upod sa iya asawa nga si Maria Teresa M. Reyes. Ang ACTAF nakabase sa Jugan Consolacion, Cebu City idalum kay PSSUPT. Edgar DM Cacayan, Regional Chief CIDG7 bilang adviser kag sa Handler nga si PSUPT. Eduardo N. Mara.
Ginagamit ni Mike Jakosalem bilang Confidential Agent sa pagpatigayon sang iya mga illegal kag kontra-pumuluyo nga mga aktibidad pareho sang pagbaligya sang shabu, paghupot sang mga armas, goons, tubtob sa pagpatay sang ila mga kakumpetensya kag iban pa.

Rason sang korus nga nagadepensa ang Guihulngan Acting Police Chief Supt. Mario Baquiran, NORPPO PNP-Chief S/Supt. Raul Tacaca kag 303rd Infantry Brigade CMO-Officer Capt. Ruel Llanes kay Mike Jakosalem batok sa NPA.

Ginahangkat sang LPC-NPA si Maj. Dinoh Dolina sang 3ID, Col. Alberto Desoyo sang 303rd Bde PA, S/Supt. Raul Tacaca sang NORPPO kag Supt. Mario Baquiran sang PNP-Guihulngan nga mangin tampad kamo sa inyo serbisyo sa pumuluyo. Ang matuod, wala kasolbaran ang problema sa illegal nga druga sa pungsod bangud sang inyo muklat nga paghatag proteksyon sa mga druglords.

Ang “Oplan Tokhang” ginagamit lamang sang mapintas nga rehimeng US-Duterte paagi sa pasistang AFP, PNP kag death squads agud lagson kag pahipuson ang mga aktibista, demokratiko kag progresibong sektor, mga kritiko kag lakip na ang bug-os nga rebolusyonaryong hublag sa pagpanguna sang CPP/NPA/NDF

Druglords sa Guihulngan kag Bug-os nga Negros Oriental Protektado sang PNP kag AFP