Mga protesta

,
Kini nga artikulo adunay hubad sa PilipinoEnglishHiligaynon

 

Barikada kontra mina sa Benguet. Nagbarikada ang mga upisyal ug mga lider-lumad sa Bulalacao, Mankayan, Benguet batok sa ginahimong operasyon sa Crescent Mining Development Corporation niadtong Hunyo 18. Matud nila, ang kasabutan tali sa kumpanya ug lokal nga gubyerno na-ekspayr niadtong pang milabayng tuig.

Pagpanalipud sa nasudnong soberanya. Naglunsad og mga rali ang mga progresibong grupo sa Davao ug Cebu aron dumdumon ang ika-124 nga adlaw sa mini nga kagawasan niadtong Hunyo 12. Sa Davao, nagtapok ang mga raliyista sa Freedom Park aron ipanawagan ang pagpanalipud sa nasudnong soberanya. Sa Cebu, nagtapok sila sa Fuente Osmeña Circle. Sa Metro Manila, nagpahigayon og piknik ang mga progresibong grupo sa Bantayog ng mga Bayani.

Welga sa Tanduay. Nagdeklara og welga ang mga mamumuo sa Tanduay sa Talisay City, Negros Occidental sa pagpangulo sa Tanduay Bottle Sorters Organization gikan Hunyo 16. Ginaduso nila nga ibalik sa trabaho ang mga myembro ug lider sa unyon nga gibawalan mosulod sa pabrika. Nagsumite ang mga mamumuo og notice of strike niadtong Hunyo 1 human ang pagpabor sa 100% sa mamumuo sa ipahigayong welga.

Kontraktwal nga gwardya sa UP, nagprotesta. Kapin 130 ka gwardya ilalum sa ahensya sa pamuo nga FEMJEG Security Agency ang nawad-an og trabaho human gitanyag sa administrasyon sa University of the Philippines-Diliman ang kontrata sa Grand Meritus Security Agency. Sa nahitabong dayalogo niadtong Hunyo 6, walay tin-aw nga plano ang administrasyon sa UP aron iempleyo sa bag-ong ahensya ang mga gwardya. Kadaghanan sa mga gisisante ang deka-dekada nang nagatrabaho sa unibersidad.

Mga protesta
n/a