Mga protesta

,
Ang artikulo nga ini may salhin sa PilipinoEnglishBisaya

Barikada kontra mina sa Benguet. Nagbarikada ang mga upisyal kag mga lider-tumandok sa Bulalacao, Mankayan, Benguet batuk sa ginahimo nga operasyon sang Crescent Mining Development Corporation sang Hunyo 18. Siling nila, ang kasugtanan sa tunga sang kumpanya sang mina kag lokal nga gubyerno nagpasar sang nagligad nga tuig pa.

Pagpangapin sa pungsodnon nga soberanya. Naglunsar sang mga rali ang mga progresibong grupo sa Davao kag Cebu para dumdumon ang ika-124 tuig sang paltik nga kahilwayan sang Hunyo 12. Sa Davao, nagtipon ang mga raliyista sa Freedom Park para ipanawagan ang pagpangapin sa pungsodnon nga soberanya. Sa Cebu, nagtipon sila sa Fuente Osme-ña Circle. Sa Metro Manila, naghiwat sang piknik ang mga progresibong grupo sa Bantayog ng mga Bayani.

Welga sa Tanduay. Nagdeklarar sang welga ang mga mamumugon sang Tanduay sa Talisay City, Negros Occidental sa pagpamuno sang Tanduay Bottlers Sorters Organization umpisa Hunyo 16. Ginaduso nila nga ibalik sa trabaho ang mga katapu kag lider sang unyon nga gindumilian nga magsulod sa pabrika. Nagpasaka ang mga mamumugon sang notice of
strike sang Hunyo 1 pagkatapos ang pagpabor sang 100% sang mga mamumugon sa pagahimuon nga welga.

Kontraktwal nga mga gwardya sang UP, nagprotesta. Masobra 130 gwardya sa idalom sang ahensya sa pagtrabaho nga FEMJEG Security Agency ang nadulaan sang trabaho pagkatapos ihatag sang administrasyon sang University of the Philippines-Diliman ang kontrata sa Grand Meritus Security Agency. Sa natabo nga dayalogo sang Hunyo 6, wala sang maathag nga plano ang administrasyon sang UP para iempleyo sang bag-o nga ahensya ang mga gwardya. Kadam-an sa mga ginpahalin denekada na nga nagatrabaho sa unibersidad.

Mga protesta
n/a