Trahedyang Marcopper, kabilin sa diktadurang Marcos Sr.

,
Kini nga artikulo adunay hubad sa PilipinoHiligaynonEnglish

Maila nga kadaugan ang desisyon sa Regional Trial Court sa Marinduque niadtong Mayo 16 nga nag-obliga sa Marcopper Mining Corporation nga magbayad og danyos og hangtud ₱10 milyon alang sa insidente sa mine spill niadtong 1993. Bisan pa man, dili matugbangan sa unsamang balor ang subli-subli ug malungtarong mga kadaut nga gibunga sa mina sa kumpanya sa katawhan sa Marinduque.

Naggikan ang hukum sa kasong gipasaka sa 30 ka indibidwal kalabot sa pagkaguba sa dam sa kumpanya nga nagresulta sa pagbaha ug pagkaguba sa panginabuhian sa mga residente sa duha ka barangay sa Mogpog, Marinduque. Nasundan kini sa mas dakung trahedya dihang magun-ub ang dam sa basura ug mibaha sa Boac River ang halos 200 milyong toneladang makahilong kemikal niadtong Marso 24, 1996. Ang maong insidente, nga giila nga labing ngil-ad sa kasaysayan sa nasud, adunay malungtarong kadaut sa kinabuhi ug panginabuhian sa mga Marinduqueño.

Ang mga trahedyang gibunga sa Marcopper lakip sa mga kabilin sa diktaduryang Marcos nga hangtud karon padayong giantus sa katawhan. Gitukod ang kumpanya niadtong 1969 gamit ang pondo gikan sa Asian Development Bank, nga kanhing nanag-iya sa 40% niini. Niadtong 1975, gitugutan ni Ferdinand Marcos Sr. ang kumpanya nga maghan-ok og basura sa Calancan Bay luyo sa lapad nga pagsupak sa mga lumulupyo sa isla. Pinaagi sa iyang mga kroni, gipanag-iya sa diktador ang 49% sa korporasyon. Gamit ang estado-poder, gipugngan niya ang mga pagbatikos ug pagsupak sa katawhan sa minahan. Gisuspinde niya ang mga regulasyong pangkinaiyahan bisan tataw ang kadaut nga gibunga niini sa kasikbit nga mga komunidad.

Alang sa dugang detalye, basaha ang artikulo sa www.cpp.ph

Trahedyang Marcopper, kabilin sa diktadurang Marcos Sr.
n/a