Mga protesta sa South Cotabato
batok sa open-pit mining, miigting

,
Kini nga artikulo adunay hubad sa PilipinoEnglishHiligaynon

Atubangan sa sunud-sunod nga protestang gilunsad sa mga residente sa South Cotabato, gibaligtad ni Gov. Reynaldo Tamayo Jr. niadtong Hunyo 3 ang unang resolusyon sa sangguniang panlalawigan nga tugutang mobalik ang magun-ubong open-pit mining sa prubinsya. Sa iyang pamahayag sa misunod nga adlaw, gisulti niyang gidali-dali ang desisyon ug adunay kwestyunableng mga probisyon ang resolusyon.

Walay nakitang hinungdan ang gubernador kung nganong wad-ag kapuslanan ang pagdili tungod kay “dugay na niining giprotektahan ang katawhan sa South Cotabato.”

Ingonman, giila niyang “ultra vires” o lapas sa awtoridad sa prubinsyal nga panggamhanan ang pagdili sa open-pit mining tungod kay adunay nagtunhay nga usa ka nasudnong kamandoan nga nagatugot niini. Ang maong kamandoan (Executive Order 130) gipagula ni Rodrigo Duterte niadtong Abril 2021. Sa ingon, aminado siya nga wala kini epekto sa planong pagpadayon sa operasyon sa Sagittarius Mines Inc. nga ginailang pinakamagun-ubon sa tanang mga operasyong open-pit sa prubinsya.

Gidayeg sa mga grupong makikinaiyahan, relihiyoso ug pangsektor ang desisyon ni Tamayo. Nanawagan sila sa sangguniang panlalawigan nga ilhon ang desisyon ug tahuron ang pagbabag sa liboang katawhan sa South Cotabato. Matud ni Leon Dulce sa Kalikasan PNE, kinahanglang bawion sa lokal nga gubyerno ang mga permit nga nagatugot sa open-pit mining sa lugar.

Lakip sa mga nagprotesta ang diocese sa Marbel nga nagsaad nga magpadayon nga magmabinantayon.

Mga protesta sa South Cotabato
batok sa open-pit mining, miigting
n/a