Mga protesta

,
Kini nga artikulo adunay hubad sa PilipinoEnglishHiligaynon

Boykot sa mga mamumuo sa Bicol Steel Trading. Nagtapok ang mga empleyado sa Bicol Steel Tower Trading Corporation sa Diversion Road, Naga City niadtong Mayo 30-31 aron makmakon ang dili patas nga mga palisiya ug ubos kaayong pagpasuhol sa kumpanya. Nagabaligya ang kumpanya og puthaw nga pangkonstruksyon.

#NeverAgain sa Cebu ug Iloilo. Niadtong Mayo 21, nagtapok ang mga nakaluwas ug pamilya sa mga martir sa balaod militar sa Redemptorist Compound sa Cebu City aron dumdumon ang kabangis sa diktaduryang Marcos Sr. Nagturok usab sila og kandila ug naghalad og pag-ampo alang sa tanang biktima sa kabangis sa estado.

Sa Iloilo City, martsa kontra-tiranya, dis-impormasyon ug pagtuis sa kasaysayan ang gilunsad sa mga progresibong grupo padulong sa Iloilo Provincial Capitol. Ayha niini, Mayo 20, gitukod sa National Union of Students of the Philippines-Panay ang Kabataan Against the Return of Marcos-Duterte Alliance.

Mga protesta sa kabatan-onan ug mamumuo sa Laguna. Gikasa sa Youth Defy Marcos and Duterte-Southern Tagalog ang Protesta de Mayo gikan Mayo 25 hangtud 27 sa Carabao Park, University of the Philippines-Los Baños. Kini usa ka pagbabag sa paglingkod ni Ferdinand Marcos Jr. isip ika-17 nga presidente sa nasud.

Samtang, niadtong Hunyo 4, gikasa sa mga mamumuo, rider, drayber ug sorter sa J&T Express ang ilang protesta ug gisuklan ang pagbungkag niini sa mga pulis. Nagwelga sila aron batikuson ang ubos kaayong suhulan, iligal nga pagpanangtang ug union busting, kawalay benepisyo ug kaluwasan sa trabaho. Gisalikway usab nila ang iligal nga pagsisante sa lider sa United Rank and File Employees sa kumpanyang J&T Express sa prubinsya.

Mga protesta
n/a