Boykot sa ika-9
 nga Summit of the Americas

,
Kini nga artikulo adunay hubad sa PilipinoEnglishHiligaynon

NAGPADANGAT ANG PIPILA ka mga nasud sa Latin America ug Caribbean nga dili motambong ang ilang mga lider sa pagalunsarong ika-9 nga Summit of the Americas sa umalabot nga Hunyo 6-10 nga gipatawag sa gubyernong Biden sa Los Angeles City.

Unang gipahimangno sa Caribbean Community niadtong unang semana sa Mayo nga kung adunay nasud sa America nga dili imbitaron sa panagtigum, ang 14 ka nasud nga myembro niini lagmit nga dili usab motambong. Nag-ingon si Biden nga dili niya pagaimbitaron ang Cuba, Nicaragua ug Venezuela.

Sa gipahigayong tigum sa mga lider sa ALBA-TCP (Alianza Bolivariana para los Pueblos de Nuestra América–Tratado de Comercio de los Pueblos) niadtong Mayo 27 gisulti ni Miguel Mario Díaz-Canel Bermúdez, presidente sa Cuba, nga mahinungdanon alang sa mga nasud sa Latin America ug Carribean nga pakusgon ang “nagkinaugalingong kusog nga tingog, panagtinabangay ug koordinasyon” aron panalipdan ug palambuon ang soberanya sa ilang mga nasud.

Gikasa sa gubyernong Biden ang panagtigum aron danihon ang mga nasud sa ilang langkob nga hinay-hinay nga nahimong suod sa karibal niining nasud nga mao ang China.

Boykot sa ika-9
 nga Summit of the Americas
n/a