Boykot sa ika-9 nga Summit of the Americas

,
Ang artikulo nga ini may salhin sa PilipinoEnglishBisaya

NAGPAABOT ANG PILA ka pungsod sa Latin America kag Caribbean nga indi magtambong ang ila mga pinuno sa ginahiwat nga ika-9 nga Summit of Americas sa maabot nga Hunyo 6-10 nga ginpatawag sang gubyernong Biden sa Los Angeles City.

Nauna nga ginpahibalo sang Caribbean Community sang una nga semana sang Mayo nga kon may pungsod sa America nga indi pag-imbitahon sa pagtilipon, ang 14 nga pungsod nga katapu sini mahimo nga indi man magtambong. Ginsiling ni Biden nga indi niya nga pagaimbitahon ang Cuba, Nicaragua kag Venezuela.

Sa ginhimo nga pulong sang mga lider sang ALBA-TCP (Allianza Bolivariana para los Pueblos de Nuestra America-Tratado de Commercio de los Pueblos o Alyansang Bolivarian para sa Mamamayan ng Ating America-Tratado sa Kalakalan ng Mamamayan) sang Mayo 27 ginhambal ni Miguel Mario Diaz-Canel Bermúdez, presidente sang Cuba, nga malahalon para sa mga pungsod sa Latin America kag Caribbean nga pabaskugon ang “nagakaugalingon nga mabaskog nga tingog, pagbululigay kag koordinasyon” para pangapinan kag pauswagon ang soberanya sang ila mga pungsod.

Ginkasa sang gubyernong Biden ang pagtilipon para pahagupon ang mga pungsod sa ila kudal nga amat-amat nga nangin malapit sa pangontra sini nga China.

Boykot sa ika-9 nga Summit of the Americas
n/a