Sunud-sunod nga armadong aksyon, gilunsad sa Surigao ug Agusan

,
Kini nga artikulo adunay hubad sa PilipinoEnglishHiligaynon

Lima ka armadong aksyon ang gilunsad sa mga yunit sa Bagong Hukbong Bayan (BHB) sa Northeastern Mindanao Region sa milabayng mga semana.

Giparalisa sa BHB-Surigao del Norte ang dump truck ug payloader sa usa ka kumpanyang kwari sa Magtiaco River, Barangay San Pedro, Alegria, Surigao del Norte niadtong Abril 19. Gibanabanang ₱5.7 milyon ang kantidad sa nadaut.

Gipahamtang sa BHB ang sangsyon batok sa operasyong kwari nga gipanag-iyahan sa konsehal sa Alegria nga si Ruel Jalasan tungod sa pagkaguba sa kinaiyahan ug daloy sa tubig sa maong sapa nga nagbunga og pagbaha sa mga kasikbit nga lugar. Wala usab kiniy tarong nga suhulan sa mga mamumuo.

Sa Lianga, Surigao del Sur, giisnayp sa BHB sa usa ka yunit sa 3rd Special Forces Battalion niadtong Abril 27. Pagkaugma, gidis-armahan sa BHB ang usa ka kandidato pagka-mayor sa lungsod sa San Miguel tungod sa paggamit niya og mga armadong maton aron hadlukon ang mga botante. Nakumpiska kang Rolmar “Mamal” Basalan sa iyang balay sa Purok 1, Barangay Siagao ang usa ka ripleng M16, tulo ka kalibre .45 pistola, pito ka radyo, mga magasin ug bala.

Niadtong Abril 30, gipabuthan sa BHB-Surigao del Sur ang nag-operasyong tropa sa 36th IB sa Barangay Nurcia, Lanuza. Duha ka kaswalti ang nataho sa han-ay sa mga sundalo.

Sa parehong adlaw, naglunsad og operasyong haras ang BHB-Agusan del Norte batok sa kontra-insurhensiyang yunit sa Special Action Force sa mga pulis sa Purok Santol, Barangay Los Angeles, Butuan City.

Sunud-sunod nga armadong aksyon, gilunsad sa Surigao ug Agusan
n/a