Balaod sa kumpensasyon, kulang ug ulahi kaayo

,
Kini nga artikulo adunay hubad sa PilipinoEnglishHiligaynon

Niadtong Abril 13, gipirmahan ni Rodrigo Duterte ang RA 11696 o “Marawi Siege Victims Compensation Act of 2022.” Ilalum niini, magatukod og ahensya nga magaproseso sa pagpanghatag og kumpensasyon o bayad danyos sa mga biktima sa pagpamomba sa rehimen nga mipulbos sa Marawi City niadtong 2017. Bisan pa man, dili tin-aw sa balaod kung pila ang madawat sa matag biktima. Wala usab kini pondo sa kasamtangang badyet ug sa 2023 pa malakip sa nasudnong badyet.

Giila sa Marawi Advocacy Accompaniment (MAA), grupo sa mga lider Meranaw ug organisasyong Moro, ang pag-apruba sa RA 11696. Apan matud niini, kinahanglang kadungan sa kumpensasyon ang pagsiguro sa batakang mga panginahanglan sa mga bakwit ug pagpatuman sa ilang luwas ug halangdon nga pagbalik sa syudad. Gimakmak sa grupo ang langan kaayo nga rehabilitasyon ug rekonstruksyon sa Marawi.

Gipanghinambog sa Task Force Bangon Marawi (TFBM) nga sa umalabot Hunyo o ayha monaog si Duterte sa pwesto, 95% kumpleto na ang rehabilitasyon ng syudad. Ang tinuod, mayorya sa mga residente ang wala pa gihapon gitugutang makabalik sa syudad, luyo sa pagsumite nila og mga rekisitong papeles. Gibawalan na usab nga mobalik ang mga lumulupyo sa Barangay Padian, bisan og aduna silay titulo dinhi, tungod ipahigayong reklamasyon sa Lake Lanao. Rason sa Bangsamoro Transition Authority, “walay kapuslanan ang mga titulo sa yuta, tungod kay gipanag-iyahan na kini sa gubyerno.”

Sa Mayo 23, unum ka tuig na sukad nga giatake ug gipulbus sa rehimeng Duterte ang syudad sa Marawi.

Balaod sa kumpensasyon, kulang ug ulahi kaayo
n/a