Kaso batok kang Doc Naty, gibasura tungod kay wala kini miagi sa angayang proseso

,
Kini nga artikulo adunay hubad sa PilipinoEnglish

Gibasura niadtong Marso 30 sa Bayugan City Regional Trial Court ang gama-gamang kaso sa kidnapping ug illegal detention batok kang Dra. Natividad Castro, naila isip Doc Naty. Matud sa korte, gilapas sa mga pulis ang katungod ni Doc Naty sa angayang proseso ug walay hurisdiksyon ang mga pulis kaniya. Tungod niini, gibuhian siya sa Agusan del Sur Provincial Jail kung asa gipriso siya sulod sa 40 ka adlaw.

Dugang pa sa korte, gihikaw kang Doc Naty ang due process tungod wala nahatag kaniya ang usa ka subpoena ayha siya giisyuhan og warrant of arrest. Wala usab siya nahatagan og higayon nga panalipdan ang kaugalingon sa usa ka preliminary investigation nga “paglapas sa sustantibong mga katungod.” Ni dili kang Doc Naty nakapangalan ang mandamyento de aresto nga gipakita kaniya.

Kaso batok kang Doc Naty, gibasura tungod kay wala kini miagi sa angayang proseso
n/a