Ripleng R4, nasakmit sa BHB-Surigao del Sur

,
Kini nga artikulo adunay hubad sa PilipinoEnglishHiligaynon

Giambus sa Bagong Hukbong Bayan (BHB)-Surigao del Sur ang mga sundalo sa 75th IB nga sakay sa habal-habal samtang nagabyahe sa Purok 2, Barangay Bolhoon, San Miguel niadtong Marso 14. Nasakmit gikan kanila ang usa ka ripleng R4 samtang napatay ang usa ka sundalo. Pauli ang mga sundalo gikan sa operasyong kombat sa kasikbit nga mga komunidad.

Nangayo usab og pasaylo ang yunit sa BHB human masamdan ang usa ka sibilyang drayber sa ambus.

Pito ka sundalo ang napatay sa kontra-opensiba sa BHB-Bukidnon batok sa nag-operasyong mga tropa sa 1st Scout Rangers Battalion ug 8th IB sa Sityo Kiito, Barangay Can-ayan, Malaybalay City niadtong Marso 3 sa udto. Usa ka sundalo ang napatay sa BHB sa usa ka kontra-reyd batok sa 88th IB sa Sityo Bendum, Barangay Busdi sa parehong syudad niadtong Marso 9.

Sa Agusan del Sur, duha ka sundalo sa 67th IB ang napatay samtang pito ang nasamdan sa ambus sa BHB sa Barangay Manat, Trento niadtong Marso 12.

Magkasunod nga operasyong haras ang gilunsad sa BHB-Northern Samar (Rodante Urtal Command) sa mga barangay sa Catubig. Niadtong Pebrero 16, gipabuthan sa BHB ang mga tropa sa PNP-Special Action Force tali sa Barangay Roxas ug Barangay San Jose (Hebobollao). Duha ka sundalo ang napatay ug duha usab ang nasamdan.

Sa Barangay Tungodnon niadtong Pebrero 21, gipabuthan sa BHB ang 20 ka nag-operasyong kaaway. Duha ang nataho nga napatay. Subling gipabuthan sa mga Pulang manggugubat ang mga nag-operasyong tropa sa CM Recto (Lobedico) niadtong Pebrero 24.

Ripleng R4, nasakmit sa BHB-Surigao del Sur
n/a