Mga protesta

,
Kini nga artikulo adunay hubad sa PilipinoEnglish

Barikada sa mga tagabaryo sa Negros. Gipalibutan sa mga residente sa Sityo Cabiti, Barangay Santol, Binalbagan ang balay sa silingan nilang si Lucia Sales niadtong kaadlawon sa Marso 20 aron panalipdan siya batok sa miatakeng sundalo ug pulis. Gitarget si Sales sa mga pwersa sa estado tungod lang kay myembro siya sa Asosasyon para sa Kauswagan sang mga Mangunguma kag Mamumugon sa Uma.

Ika-27 ka tuig sa pagkamatay ni Flor Contemplacion. Gidumdum sa Migrante niadtong Marso 17 ang pagpatay kang Flor Contemplacion pinaagi sa usa ka piket sa Mendiola, Maynila. Si Contemplacion, usa ka domestic helper, ang gibitay sa Singapore sa kasong pagpatay. Gihukman siya og kamatayon didto niadtong 1995. Biktima siya sa pagpasagad sa reaksyunaryong estado sa Pilipinas sa mga migranteng Pilipino.

Hustisya alang sa New Bataan 5! Naglunsad og programa sa Davao City, Cebu City ug Quezon City aron ipanawagan ang hustisya alang sa New Bataan 5 niadtong Marso 11 human migawas ang inisyal nga resulta sa autopsy sa lawas ni Chad Booc. Migawas sa imbestigasyon nga namatay si Booc human siya gipaulanan og bala. Bisan og wala na miagai sa awtopsiya ang uban pang biktima, naobserbahan sa mga lawas nilang Elgyn Balonga ug Gelejurain Ngujo III ang susamang timailhan sa daghang inigoan sa bala ug bun-og.

Alawans sa mga titser, dili buhisan. Nagpiket ang mga myembro sa Alliance of Concerned Teachers (ACT) atubangan sa upisina sa Comelec niadtong Marso 10 aron makmakon ang 20% buhis nga gipatong sa ilang alawans pang-eleksyon. Sa taho sa mga lokal nga unyon sa ACT, ang mumho nga ₱2,000 nga alawans pagakibhangan og ₱400 nga buhis. Sa miagi, anaa lamang sa 5% ang gikaltas nga buhis. Panawagan na kanhi nga tangtangon kini.

Mga protesta
n/a