Pulis, gin-ambus sang BHB-Negros

,
Ang artikulo nga ini may salhin sa PilipinoEnglishBisaya

Gin-ambus sang BHB-South Central Negros ang mga pulis nga nagasubay sa haywey sa Sityo Candida 2, Barangay Bi-ao, Binalbagan, Negros Occidental sang Pebrero 13. Duha ka pulis ang napilasan sa opensiba. Angut sini, ginpangin-wala sang BHB ang disimpormasyon sang mga pulis nga naigo sang BHB ang isa ka 15-anyos nga sibilyan. Suno sa yunit sang hangaway nga nagtigayon sang operasyon, ang nagapalagyo nga mga pulis ang pataratas nga nagpalupok sa gin-atrasan nila nga komunidad kag nakatiro sa bata.

Sa Negros Oriental, isa ang napilasan sa operasyong isnayp sang hangaway sang banwa sa detatsment sang 62nd IB sa Barangay Guba, Vallehermoso sang Pebrero 10. Sa Bukidnon, duha ka operatiba sang 8th IB ang napatay sa operasyong haras sang BHB sang Pebrero 11 sa Sityo Berdun, Barangay Busdi, Malaybalay City. Sa Agusan del Norte, ginpalukpan sang BHB ang detatsment sang 65th IB sa Tagbungabong, Remedios Trinidad T. Romualdez sang Pebrero 6. Isa ang napilasan sa armadong aksyon.

Samtang, nakumpiska sang BHB-Central Negros ang apat nga pistola kag isa ka shotgun sa reyd sa balay sang mga aset paniktik sang 62nd IB sa Barangay Malansa, Vallehermoso, Negros Oriental sang Pebrero 16. Napatay ang tatlo ka aset sang militar pagkatapos magkigbayluhanay sang lupok sa mga operatiba sang BHB.

Pulis, gin-ambus sang BHB-Negros
n/a