23 opensiba, ginlunsar sang BHB sa sulod sang 2 bulan

,
Ang artikulo nga ini may salhin sa PilipinoEnglishBisaya

Ginlunsar sang mga yunit sang Bagong Hukbong Bayan (BHB) ang serye sang mga armadong aksyon sa Bicol, Samar kag Northeastern Mindanao halin Disyembre 2021 tubtob una nga semana sang Pebrero.

Gin-ambus sang Pebrero 1 sang BHB-Catanduanes (Nerissa San Juan Command) ang nagaoperasyon nga yunit sang pulis sa Sityo Tucao, Barangay J.M. Alberto, San Miguel. Naagaw sa operasyon ang tatlo ka pistola kag iban pang kagamitan militar. Napatay sa operasyon ang tim lider sang mga pulis nga si Police Sr. MSgt. Johnny Tiston.

Tatlo ang napatay kag lima ang napilasan sa ginlunsar nga ambus sang BHB-Masbate (Jose Rapsing Command) sa mga tropa sang AFP nga nagaoperasyon sa Barangay Recodo, Cawayan sang Enero 28. Sang Enero 23, duha ka suldado ang napilasan sa ambus sang BHB-East Camarines Sur (Tomas Pilapil Command) batuk sa isa ka yunit sang 83rd IB sa Barangay Pinamihagan, Lagonoy.

Walo pa ka opensiba ang ginlunsar sang BHB sang Disyembre 2021 sa Pilar sa Sorsogon, Esperanza sa Masbate, kag Daraga, Camalig kag Legazpi City sa Albay.

Sa Agusan del Norte, isa ang napilasan sa isnayping sang BHB sa kampo sang 65th IB sa P-5, Barangay Tagbungabong, Remedios T. Romualdez sang Pebrero 1. Isa ka suldado naman ang napilasan sa ambus sang BHB sa isa ka yunit sang 29th IB sang Enero 25 sa Sityo Maranahao, Barangay Puting Bato, Cabadbaran City. Sang Enero 15, gin-ambus naman sang BHB-Agusan del Sur ang isa ka elemento sang CAFGU sa Barangay San Isidro, Sibagat.

Sang Disyembre 2021, lima ka operasyon haras ang nagasulunod nga ginlunsar sang mga yunit sang BHB-Agusan del Norte batuk sa mga pwersa sang AFP nga naglusob sa Barangay Puting Bato, Cabadbaran City. Ini pagkatapos nagbuhos sang tropa sang 29th IB kag 65th IB sakay sa 23 salakyan, halin Disyembre 12 tubtob Disyembre 23 sa amo nga barangay. Isa ka suldado ang napatay.

Sa Northern Samar, tatlo ang patay kag isa ang pilason nga mga pwersa sang 20th IB kag pulis sa opensiba sang BHB sang Enero 12 sa Sityo Guinpondoan, Basey. Naghimo man sang operasyon haras ang BHB sa Barangay Pelaon, Pinabacdao, Western Samar sang Enero 25 kon sa diin tatlo ang patay sa kubay sang 46th IB kag CAFGU.

Samtang, ginsilutan sang hangaway sang banwa si Police Staff Sergeant Jorel D. Pajac sa Barangay Calingnan, Catubig, Northern Samar sang Enero 10. Si Pajac isa ka upisyal sa intelidyens sang pulis sa prubinsya nga imbolbado sa pagtukod sang lambat paniktik sa mga baryo sang Catubig kag Las Navas.

23 opensiba, ginlunsar sang BHB sa sulod sang 2 bulan
n/a