Isnayp-Haras, Nalunsad sa NPA-Agusan del Norte

,

Naisnayp-haras sa mga Pulang manggubat – Agusan del Norte ang nagpundong kaaway sa 29th IBPA kaniatong Enero 25, 2022 sa may alas 4:30 sa hapon didto sa Maranahao, barangay Puting Bato, Cabadbaran City . Gikatahong usa ang samdon sa kaaway.

Kapin bulan nang nagpundo ang kaaway niini nga lugar. Samtang naglunsad og focused military operation sa mga kabukiran sa Cabadbaran City, kanunay nanghasi ang mga sundalo sa mga gagmay’ng minero dinhi sama sa pagpanaywar, pagpanghadlok ug pagpangilkil. Adunay pipila na ka mga tawo ang niuli sa ilang mga lugar sa kabalakang mabutang sa kakuyaw ang ilang mga kinabuhi. Nagresulta kining pagpanghasi sa kaaway og tumang kagutom sa ilang mga pamilya. Ang pagpananel lang ang nag-unang tinubdan sa ilang panginabuhian.

Isnayp-Haras, Nalunsad sa NPA-Agusan del Norte
n/a