Aktibong Asset, Nasilotan sa NPA-Agusan del Norte

,

Purok 1, Barangay Anticala, Butuan City – Gipahamtangan og silot kamatayon sa NPA-Agusan del Norte si Severino Magallanes Calvares, usa ka aktibong asset kaniadtong Enero 25, 2022 bandang alas 6:30 sa gabie didto sa iyang panimalay. Nakuha ang usa ka .45 kalibreng armas, mga magasin ug pipila ka buhing bala sa .45.

Usa ka dugay nang aktibong asset sa AFP si Calvares, gikan pa sa 30th IBPA nga naassign sa ilang lugar kaniadtong mga nangaging katuigan, hangtod nga napulihan kini sa nag- Community Support Program nga 29th IBPA ug sa kasamtangang 65th IPBA nga na-assign sa maong erya. Gawas sa pagkaaktibong asset niini, nagagiya usab kini siya sa mga operisyong militar. Hapit kini nakapareyd sa mga kaubang Pulang manggugubat. Kanhing membro usab kini siya sa Civilian Home Defence Force (CHDF) o CAFGU sa pagkakaron. Kasamtangang nagtrabaho isip gwardiya sa kompanyang konstraksyon sa Equiparco si Calvares.

Dugang pa aduna kini siyay rekord sa mga pagpanghasi ug pagpanghadlok sa mga yanong sibilyan. Naay kahimtang nga magpabuto-buto kini sa iyang pusil bisan walay mga tinong hinungdan. Maong husto lang ang pagsilot-patay sa NPA–Agusan del Norte kang Calvares tungod kay istrumento siya sa kabangis sa AFP batok sa rebolusyonaryong kalihukan ug katawhan.

Aktibong Asset, Nasilotan sa NPA-Agusan del Norte
n/a