Nagpatay sa lider sang imol sa Leyte, ginsilutan sang BHB

,

Ginreport sang Larab, rebolusyonaryong pahayagan sang Eastern Visayas (EV), sang Oktubre 2 nga nasilutan na sang Bagong Hukbong Bayan-EV si Jojo “Pekulo” Lucero, kriminal nga upod sa pagpatay kay Carlito Badion. Ginpanaugan siya sang rebolusyonaryong hustisya sa Ormoc City sang Hunyo 25.

Si Lucero nahusgahan nga may sala sang korte sang pumuluyo sa Leyte pagkatapos mapamatud-an nga isa siya sa mga nagpatay kay Badion, anay pangkabilugan nga sekretaryo sang Kalipunan ng Damayang Mahihirap, grupo sang mga imol sa syudad, sang Mayo 28, 2020 sa Barangay Riverside, Ormoc City. Sa ginhimo nga imbestigasyon sa kaso, napamatud-an nga ara sa proteksyon sang pulis si Lucero. Suno sa nakalap nga impormasyon, “nagsurender” siya sa lokal nga yunit sang Philippine National Police (PNP) pagkatapos patyon si Badion. Wala siya ginpasakaan sang anuman nga kaso. Sa baylo, ginpapauli siya kag ginhatagan sang padya kag suplay.

Madumduman nga ginpagwa sang PNP nga ang BHB ang ara sa likod sang pagpatay kay Badion.

Nagpatay sa lider sang imol sa Leyte, ginsilutan sang BHB
n/a