Ang Bayan
July 21, 2021

₱9.4 bilyon mga anomalya sa AFP kag PNP, ginkundena

Share and help us bring this article to more readers.

Ginkundena sang partido ang mga anomalya nga nagabalor sang ₱9.4 bilyon sa Armed Forces of the Philippines (AFP) kag Philippine National Police (PNP). Kaangut sini ang pondo nga ginpagwa para sa mga kontrata, proyekto kag galastuhan nga wala madayon.

Nabuyagyag sa tuigan nga report sang Commission on Audit (COA) nga may 41 proyekto ang AFP kag PNP nga nagabalor sang ₱6.8 bilyon nga wala matapos sa gintalana nga panahon, samtang siyam naman sa proyekto militar nga nagabalor sang ₱940.5 milyon ang ginsuspendir. Nagalab-ot naman sa ₱1.7 bilyon ang uyat sang PNP Special Action Force para sa mga kontrata nga wala natuman.

Ginsaway sang Bayan Muna ang daku nga pondo nga uyat sang AFP kag PNP, samtang kulang katama ang pondo para hatagan ayuda ang pumuluyo sa tunga sang pandemya.

AB (2021-07-21): ₱9.4 bilyon mga anomalya sa AFP kag PNP, ginkundena