Ang Bayan
April 07, 2021

Lockdown sa sa Metro Manila at 3 prubinsya, gipahugot

Share and help us bring this article to more readers.

Gipahamtang sa rehimeng Duterte gikan Marso 29 hangtud Abril 11 ang gipagrabeng lockdown (enhanced community quarantine) sa Metro Manila, Cavite, Laguna, Bulacan ug Rizal. Kini human misaka sa 10,000 ang kaso sa natakdan sa Covid-19. Matud sa datos sa Department of Health (DOH) niadtong Abril 1, 72% sa kinatibuk-ang kaso sa impeksyon sa nasud ang nataho sa maong mga lugar.

Gitaho usab sa DOH nga mokabat na sa 79% sa kinatibuk-ang ihap sa mga intensive care unit bed (631 sa 804) ang okupado na karon, samtang 69% usab ang sa mga isolation bed (3,143 sa 4,526) ug 61% usab sa mga ward bed (2,180 sa 3,439). Anaa na usab sa “kritikal nga ang-ang” ang 1/3 (50 sa 152) sa mga ospital sa National Capital Region, katunga niini ang hapit na nga mapuno ug katunga usab ang puno na ug dili na kaya modawat og mga pasyente. Lakip dinhi ang Philippine Orthopedic Center (75% sa katre ang okupado) kung asa nataho nga nagpositibo sa Covid-19 ang 117 sa 180 mamumuo sa panglawas niini.

Niadtong Abril 4, miabot sa 12,576 ang natahong inadlaw nga bag-ong kaso, ug sa 165,715 ang kinatibuk-ang aktibong kaso sa Covid-19 sa tibuok nasud.

AB (2021-04-07): Lockdown sa sa Metro Manila at 3 prubinsya, gipahugot