Ang Bayan
March 21, 2021

“Maduguon nga Domingo” sa Southern Tagalog, ginkundenar

Share and help us bring this article to more readers.

Wala-tuo ang pagkundenar sang mga indibidwal, organisasyon kag bisan mga ahensya sang estado sa pagpatay sa siyam ka aktibista kag pag-aresto sa anom pa sang Marso 7 sa ginatawag nga “Maduguon nga Domingo” sa apat ka prubinsya sa Southern Tagalog.

Maluwas sa lima ka biktima nga una nga nareport sang Ang Bayan sang Marso 7, ang apat nga ginpatay sa ginatawag nga COPLAN ASVAL amo ang mag-utod nga sanday Puroy dela Cruz kag Randy dela Cruz sa Sityo Mina, Barangay Sta. Inez, Tanay, Rizal. Mga katapu sila sang grupo nga Dumagat Sierra Madre. Amo man, gintiro tubtob sa mapatay sanday Abner kag Edward Mendoza, mga myembro sang San Isidro Kasiglahan, Kapatiran at Damayan para sa Kabuhayan, Katarungan at Kapayapaan sa Sityo Macaingalan, Barangay Puray, Rodriguez, Rizal.

Gintawag ini nga “masaker” sang isang “manugpatay nga rehimen” ni Vice Pres. Leni Robredo. Nagpahayag man sang tuman nga pagkabalaka ang United Nations, mga internasyunal nga organisasyon sa tawhanon nga kinamatarung, akademiko, simbahan kag bisan ang Commission on Human Rights.

Ginpahug kag gintuyo pa nga arestuhon sang mga pulis ang mga pamilya sang mga biktima sa isa ka punerarya sa Antipolo City sang Marso 10 para kuhaon ang mga bangkay sang ila nga mga pamilya. Nabawi lang nila ang mga bangkay dulot sang pagduso sang ila nga mga tagasuporta.

Nahilway na sadtong Marso 15 si Elizabeth Camoral, tagapamaba sang Bayan-Laguna, samtang nagapabilin nga nadetenir ang 5 pa ka aktibista.

AB (2021-03-21): “Maduguon nga Domingo” sa Southern Tagalog, ginkundenar