Ang Bayan
March 07, 2021

Crackdown sa Southern Tagalog: 5 patay, 8 giaresto

Share and help us bring this article to more readers.

Lima ang gipatay ug walo ang giaresto sa daw Tokhang nga mga operasyon sa pulis ug militar sa Southern Tagalog sukad Marso 4. Sa kaadlawon gipatuman ang maong mga operasyon.

Gipatay sa mga pulis si Emmanuel Asuncion, lider sa Bagong Alyansang Makabayan (Bayan)-Cavite sa hedkwarters sa mga mamumuo nga iyang gipuy-an sa Dasmariñas, Cavite niadtong Marso 7.

Kadungan niini, gidagit sa mga pulis ang magtiayon nga silang Ariel ug Chai Evangelista, mga istap sa UMALPAS KA, kauban sa ilang 10-anyos nga anak sa Nasugbu, Batangas. Gipatay ang magtiayon samtang nakaikyas ang ilang anak. Nataho usab ang pagpatay sa mga pulis sa aktibista nga silang Michael Dasigao ug Mark Lee Bacasno sa Sikkad-K3 sa Montalban, Rizal.

Sa susamang adlaw, magkasunod nga giaresto sa mga pulis silang Steve Mendoza sa Olalia-KMU ug Elizabeth Camoral sa Bayan-Laguna sa Cabuyao, Laguna; ug Nimfa Lanzanas sa Kapatid-Southern Tagalog sa Calamba.

Duha ka lider mag-uuma ang giresto sa Montalban, Rizal, ug usa pa ka Dumagat sa Tanay. Gireyd usab ang balay ni Lino Baez sa Bayan-Batangas sa Sto. Tomas, apan wala siya didto busa wala siya naaresto.

Niadtong Marso 4, magkadungan nga giaresto silang Ramir Corcolon, myembro sa nasudnong konseho sa Courage, sa San Pablo, Laguna; ug Arnel Laguinas, kanhing unyonista sa pabrika sa Honda, sa Sta. Rosa.

Ang mga mandamyentong gigamit sa maong mga operasyon gipagula nilang Laguna Judge Divinagracia Bustos-Ongkeko, Manila RTC Judge Jose dela Rosa, ug Manila RTC Judge Jason Zapanta. Si dela Rosa usab ang nag-isyu sa mandamyento nga gigamit sa mga pulis nga nagmasaker sa siyam ka lider Tumandok sa Panay niadtong Disyembre 2020.

AB (2021-03-07): Crackdown sa Southern Tagalog: 5 patay, 8 giaresto