Ang Bayan
March 07, 2021

5 ka sibilyan, magkakasunod nga gipatay sa Bicol

Share and help us bring this article to more readers.

Lima ka sibilyan ang gipatay sa mga sundalo ug pulis sa magkabulag nga insidente gikan Marso 1 sa Camarines Norte ug Camarines Sur. Gipagawas nila nga pulos “misukol” ang mga biktima ug mga myembro o tigsuporta sa Bagong Hukbong Bayan.

Tulo ang gimasaker sa Barangay Lanot, Mercedes, Camarines Norte niadtong Marso 3. Gipamusil sa mga pasista ang mga biktima nga mao sila Enrique Cabilles, Arnel Candelaria ug Nomer Peda.

Gipatay usab sa mga sundalo si Kagawad Melandro Verso sa Barangay Talobatib, Labo, Camarines Norte niadtong Marso 1. Gireyd sa 70 ka sundalo ang iyang balay. Sa parehong adlaw, gipatay ang usa pa ka residente sa Barangay Balogo, Pasacao, Camarines Sur.

Pag-aresto. Sa Sorsogon, giaresto niadtong Pebrero 23 ang mag-uumang si Salvador Magas human masamdan sa pagpamusil sa 22nd IB sa Barangay Marinab, Bulan.

Giaresto usab niadtong Disyembre 2020 sa Barangay Lalud, Bulusan silang Enriqueta Guelas, 62, ug Elizabeth Estilon, 41. Mabdos si Estilon dihang gidakop siya sa militar. Sila ang ikaduhang bats nga gikasuhan og paglapas sa Anti-Terror Law.

Sa Negros Occidental, gireyd sa giusang pwersa sa 94th IB ug pulis ang tulo ka balay sa Barangay San Antonio, Himamaylan City niadtong Marso 3. Giaresto dinhi ang mag-uuma nga mao silang Salvador Carpentero ug Jillian Delfin.

AB (2021-03-07): 5 ka sibilyan, magkakasunod nga gipatay sa Bicol