Ang Bayan
February 07, 2021

Myanmar, mibalik sa pagharing militar

Share and help us bring this article to more readers.

Nagkudeta ang militar sa Myanmar (kanhing Burma) niadtong Pebrero 1 aron palagputon sa pwesto ang napili nga mga upisyal sa nasud. Giaresto ug gidetine sa Tatmadaw, tawag sa armadong pwersa dinhi, si Aung San Suu Kyi, ang giilang lider na sibilyang burukrasya ug uban pang nahataas nga upisyal. Nakatakdang ablihan niadtong maong adlaw ang bag-ong napili nga parlamento.

Girason sa Tatmadaw ang pasangil nga adunay malukpanong pagpanglimbong sa eleksyon kung sa gilampaso sa partido ni Suu Kyi ang prenteng partido sa militar. Gipanghimakak ang maong pasangil sa mga independyenteng tigbantay ug sa komisyon sa eleksyon sa nasud.

Sa maong kudeta, subling napamatud-an ang hugot nga kontrol sa militar sa estado sa Myanmar nga wala nabuntog ni Suu Kyi. Hugot nga gikundena sa United Nations ug daghang nasud ang kudeta. Sulod sa Myanmar, pipila na ka protesta ang gilunsad sa mga tigsuporta ni Suu Kyi.

AB (2021-02-07): Myanmar, mibalik sa pagharing militar