Ang Bayan
November 21, 2020

Dumog ng mga pasista sa Bukidnon at Lanao Sur

Share and help us bring this article to more readers.

Dinumog ng 900 sundalo ng 82nd IB, 51st IB, 58th IB, 1st Special Forces Battalion at Scout Rangers ang mga barangay sa hangganan ng Talakag, Bukidnon at Tagoloan II, Lanao del Sur noong Oktubre 15-21.

Umatake sa mga barangay ng San Rafael, Lemonsudan at Kibulag sa Talakag noong Oktubre 15 ang mga sundalo lulan ng limang trak at dalawang armored personnel carrier (APC). Nagpwesto din ng dalawang kanyon sa lugar. Kinabukasan sa Tagoloan II, 16 na trak ng militar ang dumumog sa Barangay Pinilayan, liban pa sa tigdalawa ring APC at kanyon. Nagdagdagan pa ito ng apat na trak ng sundalo at walong trak ng suplay nang sumunod na araw.

Makalipas ang isang linggo, tatlong araw namang hinalihaw ng 5th IB ang mga baryo ng Maguing, Lanao del Sur. Walang-habas na nagpaputok ng 60mm na kanyon ang mga sundalo. Sapilitan ding pinasurender ang mga residente.

Muling dumagsa sa Barangay Lemonsudan ang limang KM35 na trak at 10 pang sasakyan lulan ang mga sundalo noong Oktubre 31. Nagsilbi silang pwersang panseguridad sa pagdating ng meyor ng Talakag at ni Communications Sec. Martin Andanar.

AB (2020-11-21): Dumog ng mga pasista sa Bukidnon at Lanao Sur